⛵⛵⛵🗿⛵⛵⛵

உல்கு

பலங்காலத் தமிழர் வாணிகம் - மயிலை சீனி. வேங்கடசாமி

இப்புத்தம் கதை புத்தகம் அல்ல. அலைந்து திரிந்த தேசாந்திரியின் கதையும் அல்ல. வரலாற்றின் குறிப்புகளை சங்க கால இலக்கியங்களில் ஆராய்ந்து அவற்றின் ஊடாக மக்களின் வாழ்க்கையை பற்றி அறிய விழையும் நூல்.

இத்தனை நாள் கதைகளுக்கும், கட்டுரைகளுக்கும் என் கனவுலகில் சஞ்சரித்து என் மனம் அசைபோட்டதையும், கதையோடு நான் கடலாடியதையும் எழுதினேன். ஆனால் இம்முறை ஒரு வரலாற்றுக் குறிப்பை பற்றி எதை எழுதுவது எதை விடுவது என்று தெரியாமல் விழிக்கும் நிலையில் இப்புத்தகம் என்னை தள்ளிவிட்டது. 

இப்புத்தகத்தை இரவல் பெற்றதற்கும் வாசிக்கத் தொடங்குவதற்கும் முதற்காரணம் ஜான்ஜீ எனக்கு பரிசளித்த "The Silk Roads" எனும் நூலினை படிக்க ஆரம்பிக்கும் முன் இது ஒரு அடித்தளமாகவும், பண்டைய காலத்தின் போக்குவரத்துகளையும், வியாபார பரிமாற்றங்களையும் புரிந்து கொள்ளவும் தயார்படுத்தும் என்பதற்காக எடுத்து வந்தேன்.

 (Reference Book) என்று. இந்த ஒரு புத்தகத்தை வைத்து நாம் ஆயிரத்தெட்டு கதைகளை வார்த்தெடுக்கலாம் போல். 

சொற்களைப் பற்றிய குறிப்கள், பொருட்களைப் பற்றிய குறிப்புகள், மக்களின் இயங்கு முறைமைகளைப் பற்றிய குறிப்புகள், அகழாய்வுகளைப் பற்றிய குறிப்புகள், அரசர்களைப் பற்றிய குறிப்புகள், இடத்தின் பெயர்களைப் பற்றிய குறிப்புகள், நாட்டின் எல்லையைப் பற்றிய குறிப்புகள், கடல்களின் பெயர்களைப் ற்றிய குறிப்புகள் என ஏராளம்.

ஒவ்வொரு மனிதனின் தேடலும் எத்தனைக்கு எத்தனை ஆழமாக, வேட்கையாக இருக்குமோ அத்தனை தூரம் அவர்களின் இலக்கை அடைவதும் சாத்தியமாகிறது. தமிழ் புத்தகங்களை தேடி அலைந்த உ.வே.சா அவர்களை போல இவர் வரலாற்று பின்னனிகளை தேடி ஆராய்வதில் இத்தனை செயல்பட்டது வியப்பளிக்கிறது. எப்பொழுதும் யாரோ ஒரு தனி மனிதனின் தேடலால் தான் ஒரு பெரும் சமூகம் தன்னிறைவை பெறுகிறது என்பது இவர்கள் இருவரின் தேடல்களும், அந்த தேடல்களில் கிடைத்த பொக்கிஷங்களும் நிரூபிக்கிறது.

இப்புத்தகம் வரலாற்றில் நிகழ்ந்த நூலிலைகளால் தமிழரின் பண்டைய சிறப்பினை இழுக்கும் வடக்கயிறாக இருக்கிறது. இதில் நான் காண விரும்பும் ஒரு பிரிவில் தனி சரடையாவது பிரித்து இதிலிருந்து புதிதாகக் கற்றுக் கொண்ட செய்திகளை திரட்ட வேண்டும். கண்டிப்பாக அதற்கு ஒரு முழுமையான நாளை ஒதுக்க வேண்டும். 

சிறிய இடைவெளிக்குப் பிறகு தொடரும்.

கடையாணியார் சீ.நே.பி